नाट्टा र हानका पूर्व अध्यक्ष परिषद्को संयुक्त बैठक सम्पन्न

२६ ज्येष्ठ पोखरा

नेपाल एशोयिशसन अफ टुर्स एण्ड ट्राभल एजेन्ट्स (नाट्टा) र होटल एशोशियसन नेपाल (हान) का पूर्व अध्यक्ष परिषद्को संयुक्त बैठक आईतवार सम्पन्न भएको छ । बैठकले पर्यटन क्षेत्रका समसामयिक विषयहरुमा समान धारणा वनाएर अगाडी बढ्ने निर्णय गरेको छ ।

संयुक्त बैठकले विशेषगरि दुईवटा विषयलाई लागु गराउन पहल गर्ने निर्णय गरेको छ । सरकारले नितिगत रुपमा पर्यटन क्षेत्रलाई राष्ट्रिय प्राथमिकताप्राप्त उद्योगको रुपमा मान्यता दिएपनि व्यवहारमा लागु नभएकोले व्यवहारिक रुपमा लागु गराउन विशेष लविईङ गर्ने निर्णय गरेको नाट्टाका अध्यक्ष सि.एन पाण्डेले अर्थ र व्यापारलाई वताए ।

त्यसैगरी नेपाल पर्यटन वोर्डमा पर्यटन क्षेत्रका वास्तविक पर्यटन व्यवसायीहरुको प्रतिनिधित्व गराउनुपर्ने तथा नेपाल पर्यटन वोर्डको पुर्नसंरचना गर्न विशेष पहल गर्ने निर्णय गरेको पाण्डेले वताए । बैठकमा नाटटा पूर्व अध्यक्ष परिषद्का संयोजक आर.आर पाण्डे, नाट्टा अध्यक्ष सि.एन पाण्डे, हान पूर्व अध्यक्ष परिषद्का संयोजक योगेन्द्र शाक्य र हान अध्यक्ष सिर्जना राणाले आगामी दिनमा समान धारणा वनाएर अगाडी बढ्ने सम्झौता समेत गरेका छन । बैठकमा नाट्टाका पूर्व अध्यक्ष र हानका पूर्व अध्यक्षहरु उपस्थित थिए ।

बैठकले आगामी दिनमा पर्यटन क्षेत्रका नितिगत विषयवस्तुहरुमा सुधारका लागी नाटटा पूर्व अध्यक्ष परिषद्का संयोजक आर.आर पाण्डे, नाट्टा अध्यक्ष सि.एन पाण्डे, हान पूर्व अध्यक्ष परिषद्का संयोजक योगेन्द्र शाक्य र हान अध्यक्ष सिर्जना राणा सम्मिलित एक कार्यदल समेत गठन गरेको छ ।